Plattdeutsch: Glücksiäligst Nie Jaohr
von Franz Schulte Nahrup

Warnduorp. Met „Glücksiäligst Nie Jaohr – Gott gierwe et wäd waohr“ begrüßere de Baas Franz Schulze Nahrup den grauten Trop Lüe to den Krinknommdag met Möpkenbrautiäten.  Bie dat Leed „ Do mie men Möpkenbraut – dann häw ick kinne Naut“, schallere et so laut düört Kolpinghuus, dat de Koch in den Kürke foots ne Wuorst mä in de Panne schmed. Nen leckeren Rüek trock düör den Saal un jedereene merkere, datt de Pannen vull met Wuorstebraut un Liäwebraut in Arbeit wüörn.  De Dischke wassen met witte Dierke belegt und de Reeschup lag ferrig an jeden Stohl. Mathilde Kempkes harr en Vetellsel „ Biet Schlachten wäd jede Hand brukt – un „ Anton harr dat fettste Schwien“. Josef Bussmann wuß wat üöwe Möpkenbraut int Mönsterland. „ Wenn junge Lüe frischk vehieraot sin“ kam von Roswitha Wienströer. Heinz Beckhove vetellere wat vont Niee Jaohr. Lustige Vetellsel kammen auk von Helmut Brokamp und Ernst Ruhe ut Milte. Hermann Grüter harr wat ut nen Book, wat Auton Aulke den Vade von sine Frau – Tophinke_ schenkt harr.

Bie dat Leed „ Urse Warnduorp met de leste Strophe „ Wuorstebraut met Schriewen, dao wäd nich an spart, jau dat is mien Warnduorp, dat is warnduorps Art“ gong de Kürkendüör loss un tellerwiese kam dat gurte Wiärks up de Dischke. Ruckzuck was et muksmüskens still. Alle wassen met üöhre Reeschup up de Tellers ant arbein. Wuorstebraut met grow Roggenschroat, Liäwebraut, Appelschiewen un röstete Siepel laggen up de Tellers.We wat naohemmn wull, konn noa wat naoniermen. Et was es maol nen anneren Krinknommdag, de mäd dat Toropleed „ Guot gaohn – auk so – bes en anner Maol“ to Enne gong. Dat neichste Driäpen is an,n 11. März, well dat in,n Februar dat Kolpinghuus met Karneval belegt is.

 

 

Startseite Stadtmuseum Kirchen Lexikon Erlebte Geschichte Archiv Über uns
Bilderbogen Gadem St. Laurentius Persönlichkeiten Veranstaltungen
Video Tapetensaal St. Marien Straßennamen     Impressum
  Torschreiberhaus Christuskirche Mariä Himmelfahrt      
  Haus Bispinck St. Joseph Karneval      
    Affhüppenkapelle Fettmarkt      


Heimatverein Warendorf e. V., Vorsitzende: Mechtild Wolff, An der Kreutzbrede 7, 48231 Warendorf, Tel: 02581 2135        
E-Mail: vorstand@heimatvereinwarendorf.de
Copyright: Heimatverein Warendorf (C) 2005 -2024 (Impressum und Datenschutzerklärung)